Xendazaleentzako 80 ibilbide, Bizkaian zehar egiteko

SenderismoBIZKAIA_sua

Bizkaia osatzen duten hiru osagai nagusiek, ura, haitza eta burdina alegia, herrialdeko paisaia eta, are gehiago, nortasuna zizelkatu dituzte. Hirurak nahastean gauza izan dira itsasadar eta estuarioak sortzeko, gaur egun Bizkaiko eszenatoki ezaugarrienak, Ibaiazabal eta Urdaibai buru. Horrela agertu dira, halaber, meatze aldeak, mendigune karstikoak, itsaslabarrak eta gailur ezaugarriak. “80 rutas senderistas por Bizkaia” liburuak paisaia horietara eramango gaitu, hala gure herri gogoan ohorezko lekuan daudenetara nola oraindik ere herritar gehienontzat zeharo ezezagunak direnetara.

Hortaz, liburuak mota honetako tokietara joatera gonbidatuko gaitu: Gaztelugatxe, Urdaibaiko padurak, Gorbeiako Arraba eta Itxina, Bilboko itsasadarra eta Gernika. Horiekin batera, goi mendietako bizkarretatik ibiliko gara, azken pagadietan orbelak zapalduko ditugu, meatzarien herri hustuetara helduko gara eta baleak zelatatzeko talaietatik itsasoarekin bat egingo dugu.

Liburu honek 80 proposamen batu ditu. Goiz pasa ederra izan daitezke, ia denak umeekin egiteko modukoak, gehienak aldats gogorrik gabekoak. Askotan bide seinaleztatuetatik igarotzen dira. Edonork egiteko moduko xendazaletasuna, beraz.

Ibilbide horietatik gehien-gehienak Sua Edizioak-ek azken urteotan argitaratutako liburu eta aldizkarietan agertu dira. Denak errebisatu eta eguneratu dira. Bizkaia osoa gure esku geratuko da: aztarnategi arkeologikoak, megalitoak, ur-jauziak, itsaslabarrak, gailur panoramikoak, artadiak eta pagadiak, hiri barruko ibilbideak eta beste hamaika proposamen.

Ibilbideak aldean dakar deskribapena, fitxa teknikoa eta mapa, baita argazkiak ere. Liburuko kontrazaleko barrualdean txango guztiak ageri dira, Bizkaiko mapan egoki jarrita.

This slideshow requires JavaScript.

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s