Suak “Los puentes de la Ría de Bilbao” liburua argitaratu du, Ibaizabaleko azken 15 kilometroetan ibaia zeharkatzen duten zubiei begirada harrigarri eta kitzikagarria. Pedro Zarrabeitiaren argazki paregabeak eta Argiñe Areitioren testu zainduek Bilboko itsasadarreko hamazazpi zubien ikuspegi berria eskaini digute .

Zarrabeitiaren argazki bitxiek, fantasiazko zipriztinez ukituta, irakurleen irudimena piztea dute helburu. Areitioren testuek, berriz, eskutik hartuko gaituzte zubirik zubiko paseo zoragarrian barrena egiteko eta haien iragana eta ertz batetik bestera igaro den bizitza jarioa ezagutzera emateko.

Gizateriaren ondare da Bizkaia zubia; Bilboko armarriko zubiaren oinordekoa San Antongoa; biak ala biak, beste hamabostekin batera, liburuan daude, hala bidezubi funtzionalak nola diseinu bikaineko zaldainak. Boluetako Zubibarritik Portugalete eta Areeta arteko zubi esekiraino, bidaia zirraragarria dugu zain burdinazko itsasadarretik behera.

Lerron azpian, prentsan liburuari buruz agertutako artikulu bi, Bilbao eta Getxoberri aldizkarietakoak hain zuzen.