‘Vías Verdes’, Euskal Herria oinez eta bizikletaz gozatzeko liburua

portadaVV.inddAntzina, lokomotora herdoilduak gure txoko malkartsuetan barrena ibiltzen ziren, txistu eta marru. Ausart haiek edonora iristen ziren, izan Irunberriko Arroila, Leitzaran ibarra, edo Durangaldeko gailurrak. Gaur gomuta besterik ez dira, baina haiek urratutako bideetatik txirrindulariak eta oinezkoak ibiltzen dira, leku zoragarrietatik paseo ederrean.

SONY DSCEuskal Herriko bide berde guztiak (bide berde esaten zaie bizikletaz ibiltzeko atondutako trenbide zaharrei) bildu ditu Euskal Herria liburuak bildumako hirugarren aleak. ‘Vías Verdes, bidegorris y caminos naturales’ du izena eta Alberto Muro idazle eta argazkilariak egin du. Bide berdeak ez ezik, gorriak ere batu ditu, bidegorririk xarmagarrienak aukeratu eta erantsi baitizkio liburuari. Bizikleta maite duten guztiek badute leku zoragarri andana batean ibiltzea naturaren erdian, modu seguruan eta malda pikorik igo beharrik gabe. Horietako gehienetatik, oinez ere joan daiteke, tipi-tapa, gozo-gozo.

Orotara, liburuak 39 bide berde eta bidegorri bildu ditu, Euskal Herri osoan barrena: Araba, Bizkaia, Gipuzkoa, Lapurdi eta Nafarroa. Hasi klasikoekin, Plazaola edo Tarazonica kasu, eta buka Aturri ibaiko ertzetik, Zadorrako urtegiak inguratzen edo Urdaibain barrena. Xehetasun handiko testuak, argazkiak eta ibilbideetako mapak dira pedalari eraginez Euskal Herria ezagutzeko gonbite honen osagaiak. Ezingo duzu ezetz esan!

IMG_9464 MQ VIASVERDESok.indd

One thought on “‘Vías Verdes’, Euskal Herria oinez eta bizikletaz gozatzeko liburua

  1. Nere postekin loturak: EH liburuak bildumako harpidedun berrientzat, motxila eta asteburua landetxean opari | Euskal Herria liburuak

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s