Erronka polita dakar aldean “Rutas con niños por Navarra”k: etxeko txipiak Nafarroako natura ezagutzera bultzatzea. Liburua Pablo Hervás Pinillak egin du eta Sua Edizioak-ek argitaratu.
Proposamen zerrenda osatzeko orduan, egileak oso kontutan hartu ditu urrats labur eta begirada zoliko bidaide horiek: gehien jota, 5 km luze eta 200 metroko desnibela. Horregatik, 33 ibilbide hauetan txango errazak, atseginak eta umeen jakin-mina asetzeko modukoak aurkituko ditugu, jakingarri interesgarriz egoki hornituta.
Errazak izateak, hala ere, ez du esan nahi ahaleginik eskatzen ez dutenik. Ez dira etxe barruko paseoaldiak; aldiz, badute zailtasunik, maldarik, bidezidor esturik, haitz arteko ibilbide deserosorik, igarobidea oztopatzen duen landaretza trinkorik… Ezer larririk ez, baina kontuan edukitzekoa.
Eta beste kontu bat ere seguru da: haien eskutik Nafarroa ezagutzea abentura hutsa izango da.
Euskal Herria liburuak 